Bugun, 25-aprel kuni Urganch davlat universitetining Filologiya, Kimyoviy texnologiyalar, Iqtisodiyot va Texnika fakultetlari joylashgan Urganch shahar Gurlan koʻchasi hududida yangi qurilgan Futbol maydonining ochilishi marosimi oʻtkazildi.
Unda UrDU rektori Baxrom Abdullayev boshchiligida universitet Kengashi aʼzolari qatnashdilar.
Ochilish marosimiga futbol maydonining quruvchilari ham taklif etildi. Rektor B.Abdullayev quruvchilarga mazkur zamonaviy va koʻrkam sport inshooti uchun jamoa nomidan minnatdorchilik bildirdi.
Ushbu futbol inshootining yondosh hududida yana boshqa sport turlari uchun moslashtirilgan maydonlarni ham qurish rejalashtirildi.
