Avval xabar berganimizdek, Portugaliyaning Porto universiteti professori Paula Rodrigues UrDU Jismoniy madaniyat fakultetida 16-maydan 26-may sanasiga qadar dars mashgʻulotlarini oʻtkazmoqda.
Bugun, 23-may sanasida professori Paula Rodrigues universitet Xalqaro reytinglar boʻlimi bilan hamkorlikda "Scopus jurnallarida ilmiy maqola yozishdan chop etishgacha" mavzusida seminar-trening olib bordi. Unda Scopus jurnallarida maqola chop etishning sir-asrorlari haqida atroflicha maʼlumot berdi.
Seminarda fakultet professor-oʻqituvchilari, magistr va doktorantlar, talaba-yoshlar qatnashdilar.
Ushbu treningda berilgan maʼlumotlar ilmiy tadqiqotchilar uchun dolzarb boʻlibgina qolmay, Scopus nomi ostidagi soxta jurnallarga aldanib qolmasliklari uchun yordamchi boʻlishi shubhasizdir.
