2019 йил 14 июнь куни Урганч давлат университетига Б.Б.Городовиков номидаги Колмиқ давлат университети ректори Салаев Бадма Катинович, халқаро ҳамкорлик бўйича проректори Имеев Владимир Очирович ва профессор Якубов Сабир Халмурадович ташриф буюришди. Меҳмонлар ва университет ректори Б.Абдуллаев, ўқув ишлари бўйича проректор С.Ходжаниязов, илмий ишлар ва инновациялар бўйича проректор З.Ибрагимов, халқаро ҳамкорлик бўйича проректор Ғ.Уразалиевич иштирокида тор доирада учрашув бўлиб ўтди. Ундан кейин маънавият хонасида университетнинг факультет деканлари ва бўлим бошлиқлари иштирокида кенгайтирилган учрашув бўлиб ўтди. Унда Б.Салаев Колмиқ давлат университети ҳақида видеофильм тақдимотини ўтказиб, ҳамкорлик алоқаларини кенгайтиришни таклиф этди. Томонлар ўзларини қизиқтирган масалалар бўйича ўзаро фикр алмашдилар.
