Bugun Xorazm viloyati hokimligi, Ma’naviyat va ma’rifat markazi Xorazm viloyati hududiy boshqarmasi va Urganch davlat universiteti hamkorligida “Jaloliddin Manguberdi hayoti va faoliyati. Anushtegin Xorazmshohlar sulolasining o‘zbek davlatchiligidagi o‘rni”mavzusida xalqaro ilmiy-amaliy konferensiya ish boshladi.
Konferensiyada Rossiya, Turkiya, Ozarbayjon, Qozog‘iston, Qirg‘iziston, Tojikistondan kelgan qolaversa, yurtimizning turli hududlaridan tarixchi olimlar, Urganch davlat universiteti rahbariyati boshchiligida Tarix fakulteti professor-oʻqituvchilari, talabalar ishtirok etmoqda.
Xorazm viloyati hokimi Jo‘rabek Raximov anjumanni ochib berar ekan, sulton Jaloliddin Manguberdi bobomizning Vatan ozodligi yo‘lidagi jasorati va matonatini e’tirof etib, buyuk sarkarda hayoti va faoliyatini o‘rganish borasida chet ellik ilmiy tadqiqotchilar bilan hamkorlikni yanada mustahkamlash xususida to‘xtaldi.
Konferensiyaga UrDU rektori Baxrom Abdullayev moderatorlik qilmoqda.
