2021-yilning 18-oktabr kuni Korrupsiyaga qarshi kurashish, Komplayens-nazorat tizimini boshqarish bo`limi boshlig'i H.Shixova va Xalqaro aloqalar bo'limi boshlig'i E.Yo'ldashevlar Erasmus+ dasturining ICM loyihasi doirasida Portugaliya davlatining Braganza politexnika institutiga tashrif buyurishdi.
Tashrif davomida Braganza politexnika instituti Vitse prezidenti Luis Pais va Xalqaro aloqalar bo'limi xodimlari bilan uchrashuv bo'ldi. Uchrashuvda Urganch davlat universitetining bugungi kundagi faoliyati va imkoniyatlari va xalqaro hamkorliklari to'g'risida ma'lumot berildi hamda hamkor universitetning talabalar almashinuvi dasturlar va qo'shma ta'lim dasturlari to'g'risida ma'lumotga ega bo'lishdi. Shuningdek, kelgusidagi hamkorlik bo'yicha mazmunli suhbat qurib, Erasmus+ ICM loyihasi doirasida professor-o`qituvchilar mobilligi bo'yicha muzokara olib borildi.
