2021-yilning 28-sentabr kuni Urganch davlat universiteti Madaniyat saroyida UniCEN loyihasi doirasida AQShning Washington davlat universiteti professori Sergey Lapin “Amerikada talabalarni baholash tizimi va Washington davlat universiteti to`g`risida ma`lumot” mavzusida ma`ruza qildi.
Professor Sergey Lapin o`z ma`ruzasida Washington davlat universitetining bugungi kundagi faoliyati, ichki strukturasi, ta`lim jarayonlari, baholash tizimi, talabalar uchun yaratilgan imkoniyat va sharoitlar, zamonaviy o‘qitish uslublari va tizimlaridan foydalanish, ta’lim sohasida innovatsion texnologiyalarni qo‘llash borasidagi Washington davlat universiteti tajribasini uchrashuv qatnashchilariga taqdimot orqali namoyish qildi.
UrDU kafedra mudirlari, O`quv ishlari bo`yicha dekan o`rinbosarlari hamda professor-o`qituvchilar ishtirokidagi mazkur uchrashuv kelajakda xorijning nufuzli universitetlari tajribasini tadbiq etishda hamda universitetlar o‘rtasidagi aloqalarni yangi bosqichga olib chiqishda o`ziga hos yondashuv bo`ldi.
Uchrashuv qiziqarli ma`lumotlarga boy, muzokaralar esa samarali bo‘lib o‘tdi.
