2022-yil 26-aprel kuni Belorus davlat oziq-ovqat va kimyo texnologiyalar universiteti “Amaliy mexanika va muhandislik grafikasi” kafedrasi mudiri, texnika fanlari nomzodi, dotsent Bondarev Roman Aleksandrovich ikki universitet oʻrtasidagi hamkorlik aloqalarini yanada mustahkamlash maqsadida Urganch davlat universitetiga tashrif buyurdi.
UrDU rektori Baxrom Abdullayev, Xalqaro hamkorlik bo'yicha prorektor G‘.O'razboyev, Kimyoviy texnologiyalar fakulteti professori M.Jumaniyozov hamda fakultet professor-oʻqituvchilari bilan kechgan rasmiy uchrashuvda Muhandis-texnolog mutaxassisligi boʻyicha bakalavriat va magistraturada qoʻshma taʼlim dasturini yoʻlga qoʻyish, talabalar almashinuvi, yuqori malakali mutaxassislar tayyorlash, ikki universitet istiqboli uchun foydali hamkorlik oʻrnatish borasidagi masalalar muhokama qilindi.
