Fransiyaning Loy arxitekturasi xalqaro markazi (CRAterre) ilmiy xodimi Chamsia Sadozai boshchiligida Xorazm Ma’mun akademiyasining Kat-qal’a arxeologik ekspeditsiyasi aʼzolari ishtirokida Xorazm viloyati Shovot tumani "Kat-qal’a" yodgorligida YeTTBning Xorazmdagi integrallashgan "Madaniy meros" dasturi doirasida amalga oshirilayotgan Loy arxitekturasi ishlari borasida zamonaviy usullar boʻyicha treninglar boʻlib oʻtmoqda. Ushbu seminar-treninglarda UrDU Tarix fakulteti Arxeologiya yoʻnalishi talabalari ham faol ishtirok etmoqdalar.
Bugun, 21-may kuni Loy arxitekturasi xalqaro markazi ilmiy xodimi Chamsia Sadozai Urganch davlat universitetida boʻlib, rektor Baxrom Abdullayev bilan uchrashdi. Uchrashuvda Urganch davlat universiteti, Xorazm Maʼmun akademiyasi hamda Loy arxitekturasi xalqaro markazi oʻrtasida imzolangan uch tomonlama Memorandumning bir nusxasini UrDU rektoriga mamnuniyat ila topshirdi. Universitet talabalarining treningdagi faol ishtiroki uchun minnatdorchilik bildirdi.
