2022-yilning 22-24-may kunlari Rossiyaning Astraxan shahrida oʻtkazilishi belgilangan ushbu forumda Kaspiyboʻyi mamlakatlari fanlar akademiyalari vakillari, Rossiya Fanlar akademiyasi rahbariyati, mamlakatning yetakchi universitetlari rektorlari, mintaqaviy va federal hokimiyat vakillari, biznes tuzilmalari vakillari ishtirok etmoqdalar.
Mazkur forumda Urganch davlat universitetidan Yoshlar masalalari va maʼnaviy-maʼrifiy ishlar boʻyicha birinchi prorektor, prof. Sanjar Davletov hamda Iqtisodiyot fakulteti dekani, prof. Ilyos Abdullayevlar ishtirok etmoqdalar.
Forumning uch kunlik dasturidan strategik sessiyalar, muhokamalar, ma’ruzalar va mahorat darslari, taqdimotlar, ko‘rgazmalar, uchrashuvlar, kasbiy maslahatlashuvlar o‘rin olgan. Forumning bir kuni butunlay yoshlar kun tartibiga bag‘ishlanadi.
Forumning ilk kunida Rossiyaning janubiy universitetlari rektorlari kengashi, Kaspiybo‘yi davlatlarining davlat universitetlari va ilmiy markazlari assotsiatsiyasi doirasida Fan, tadqiqot va texnologiyalar komissiyasi, “Kaspiy bo‘yi davlatlarining ilmiy-tadqiqot markazlari” assotsiatsiyasi doirasidagi yig‘ilishlari bo‘lib o‘tmoqda.
.jpg)
.jpg)