Bugun Urganch davlat universitetida O‘zbekiston Badiiy akademiyasi ijodkorlari uyushmasi a’zosi Soliy Qodirovning rassomchilik namunalari ko'rgazmasi namoyish etildi. Koʻrgazmadan rassomning eng sara ijod namunalari oʻrin oldi.
Unda universitet rahbariyati boshchiligida Pedagogika fakultetining Tasviriy sanʼat yoʻnalishi talabalari ishtirok etishdi.
Namoyish avvalida rassom talaba-yoshlar bilan dildan suhbat qilib, oʻzining hayot yoʻli va ijod olamiga ilk qadamlari haqida qiziqarli maʼlumotlar berdi.
Shundan soʻng, talabalar ko‘rgazmadan o‘rin olgan har bir asar bilan yaqindan tanishdilar.
Rassom turli yoʻnalishlarda ijod qilgan boʻlib, ularni 1-martga qadar davom etadigan koʻrgazmada namoyish qilib borish rejalashtirilgan.
