Urganch davlat universitetida 5-6 may kunlari bo'lib o'tgan ushbu xalqaro amaliy anjumanning bugun 6-may sanasida yakunlovchi bosqichi madaniy tadbir bilan o'z nihoyasiga yetdi. Tadbirda "Access" dasturida ishtirok qilayotan Urganch shahri hamda Qo‘shko‘pir tumani maktab o‘quvchilari turli xil milliy qo‘shiq va raqslar, opera va sahna ko‘rinishlari bilan chiqishlar qildilar.
Tadbir so‘nggida universitetning Ilmiy ishlar va innovatsiyalar bo‘yicha prorektori Z.Ibragimov so‘zga chiqib, anjuman ishtirokchilarini ushbu ingliz tili o‘qitishning dolzarb masalalariga bag‘ishlangan anjumanning muvaffaqiyatli yakunlanganligi bilan samimiy qutladi va ular tomonidan amalga oshirilgan mazmunli ma’ruza, taqdimotlar hamda faol ishtirok uchun universitet ma’muriyati nomidan minnatdorlik bildirdi. So‘ngra prorektor Z.Ibragimov va Xorijiy filologiya fakulteti dekani Z.Jumaniyazovlar anjuman ishtirokchilariga sertifikat va faxriy yorliqlar topshirdilar.
