Joriy yil 4-noyabr kuni Sankt-peterburgning Yuqori molekulyar birikmalar kimyosi ilmiy tekshirish instituti direktori, professor Yakimanskiy Aleksandr Vadimovich mazkur institut doktoranti bilan hamrohlikda Urganch davlat universitetida bo′ldi.
UrDU rektori B.Abdullayev bilan uchrashuvda o′zaro ko′p qirrali hamkorlik aloqalarini yo′lga qo′yish borasida muzokaralar olib borildi. Uchrashuvda Kimyoviy texnologiyalar fakulteti dekani Sh.Kuramboyev hamda professor M.Jumaniyozovlar ishtirok etdi.
Muzokaralar natijasi o′laroq, universitetlar uchun o‘zaro manfaatli bo‘lgan sohalarda akademik hamkorlik, almashinuvlarni yo‘lga qo‘yish va rivojlantirishdan iborat istiqbolli hamkorlik memorandumi imzolandi.
