Urganch davlat universiteti rektori B.Abdullayev 2020 yilning 4 dekabr kuni San’atshunoslik fakulteti talabalari bilan uchrashuv o‘tkazdi.
Ushbu uchrashuv yoshlarning o‘z iqtidor va salohiyatlarini yuzaga chiqarish, yoshlar bilan yanada yaqin bo‘lish, ular ichiga kirib borish, muammolarini o‘rganish hamda ularning kelajagi maqsadida tashkil etildi.
Uchrashuv davomida fakultet dekani A.Xudayberganov oliy ta’lim
muassasasi faoliyati, undagi ta’lim jarayoni, ilmiy yo‘nalishlari va talabalar hayoti haqida ma’lumot berdi.
Do‘stona o‘tgan uchrashuvga yig‘ilgan talabalar o‘zlarining fikr-mulohazalari, yutuqlari va kelajakdagi rejalari haqida gapirdilar.
Ochiq muloqot davomida talaba-yoshlar o‘zlarini qiziqtirgan savollari, mavjud muammolar va takliflari bilan bevosita murojaat etdilar.
