Mehmonlarimizning ikkinchi tashrifi Kimyoviy texnologiyalar fakulteti hududida joylashgan, yangi rekonstruksiya qilinib, foydalanishga topshirilgan 7-sonli talabalar turar joyi boʻldi.
Mazkur barcha qulayliklarga ega, zamonaviy tipda barpo etilgan talabalar turar joyining ochilish marosimida Xorazm viloyati hokimligi vakillari, hamkor tashkilotlar aʼzolari, universitet rahbariyati, faxriy ustozlari hamda talaba-yoshlar ishtirok etdilar.
Ochilish marosimida UrDU rektori B.Abdullayev hamda Xorazm viloyati hokimi nomidan oʻrinbosari S.Salayevning tabrik soʻzlari tinglandi. Shundan soʻng, lenta qirqish marosimi boʼlib oʼtdi. Mehmonlar ushbu talabalar turar joyining sharoitlari bilan yaqindan tanishdilar.
Maʼlumot oʻrnida, yotoqxona 4 qavatdan iborat boʻlib, 800 oʻringa moʻljallangan. Binoda 8 ta madaniy dam olish xonasi, 4 ta dars tayyorlash xonalari, 8 ta oshxona, 8 ta yuvinish xonalari va boshqa barcha qulayliklarga ehtiyojmand xonalari mavjud.
