Bugun yurtimizdagi barcha oliygohlar singari Urganch davlat universitetida ham darslar tugab, talabalarimiz taʼtil gashtini surmoqdalar. Ammo, yoshlarimiz orasida taʼtil davridan unumli foydalanayotganlari ham talaygina.
Hozirda surdotarjimonlik faoliyati keng tarqalayotgan sohalardan biridir. Ushbu faoliyatga universitetimiz talabalari ham katta qiziqish bildirishmoqda.
Jumladan, Urganch shahar "Ishga marhamat" monomarkazida surdotarjimonlik kurslari tashkil etilgan boʻlib, Urganch davlat universitetining bir guruh talabalari va xodimlari ushbu kurslarda faol ishtirok etmoqdalar. Ular qisqa muddatda so'zlashuv darajasida o'rganish, surdo-pedagog boʻlish niyatidalar. O‘quv kurslari davomida amaliy mashg‘ulotlar orqali bilim va malakalarini oshirmoqdalar.
