Bugun, 24-mart kuni Abu Rayhon Beruniy nomidagi Urganch davlat universitetida “Talabalar bahori” haftaligi doirasida sportning futbol, shaxmat, stol tennis, street workout, voleybol, armrestling turlari bo’yicha musobaqalar bo’lib o’tdi.
Musobaqalar oldidan ochilish marosimi o'tkazildi. Unda oliygoh rektori v.v.b. Sardor Xodjaniyazov kirish so’z bilan ishtirok qilib, haftalikning yoshlar o’quv faoliyatidagi ahamiyati haqida to’xtaldi hamda barcha ishtirokchilarga muvaffaqiyat tiladi.
Musobaqalardan asosiy maqsad yoshlar o‘rtasida jismoniy tarbiya va ommaviy sportni rivojlantirish orqali ularni jismoniy hamda intellektual jihatdan kamol toptirish, jismoniy qobiliyatini, harakat faolligini takomillashtirish, mehnatga layoqatini oshirishga yordam berishdan iboratdir.
