REGISTRATOR OFISI

 

     2023-yil 30-avgustda Urganch davlat universiteti rektorining 126-sonli buyrug’i  bilan Urganch davlat universiteti fakultetlari, kafedralari va tashkiliy tuzilmalarini qayta ko’rib chiqish to’g’risidagi buyrug’iga asosan Akademik faoliyat va registrator departamenti tashkil qilindi. Unga ko’ra ushbu departament 3 ta bo’limdan tashkil topgan. 1-Akademik faoliyatni boshqarish bo’limi, 2-Akademik mobillikni muvofiqlashtirish va talabalar bilan ishlash bo’limi, 3-Ta’limni kredit tizimini boshqarish va ma’lumotlar bazasini monitoring qilish bo’limi. Shu buyruq asosida shtatlar birliklari ham tasdiqlangan.

     Urganch davlat universiteti rektorining 2023-yil 27-dekabrda 189-sonli buyrug’i bilan Urganch davlat universitetining Akademik faoliyat va registrator departamenti to’g’risidagi nizomi tasdiqlandi.

     Ta’lim sohasidagi loyihalar markazi loyiha ofisining 2024-yil 9- iyuldagi 2-q/q sonli, O’zbekiston Respublikasi Oliy ta’lim fan va innovatsiyalar vazirligining 2024-yil 9-iyuldagi 24-q/q sonli qo’shma qarori ijrosini ta’minlash maqsadida 2024-yil 11-iyulda Urganch davlat universiteti rektorining 129-sonli “Registrator ofisi” ni tashkil etish to’g’risidagi buyrug’i imzolandi: - Registrator ofisini tashkil etish reja grafigi va uning faoliyatini tizimli yo’lga qo’yish bo’yicha yo’l xaritasi tasdiqlandi.

     Oliy ta’lim, fan va innovatsiyalar vazirining 2025-yil 24-fevraldagi 73-sonli  buyrug’i ijrosini ta’minlash maqsadida 2025-yil 6-martda Urganch davlat universiteti rektorining 106-sonli  buyrug’i tasdiqlandi. Ushbu buyruqqa asosan Urganch davlat universitetida Registrator ofisi to’g’risida Nizomi tasdiqlangan.

     O‘zbekiston Respublikasi Oliy ta’lim, fan va innovatsiyalar vazirligining 2024-yil 13-dekabrdagi 54-q/q-son, Kambag‘allikni qisqartirish va bandlik vazirligining 2024-yil 11-dekabrdagi 21-2024-q/q-son hamda Iqtisodiyot va moliya vazirligining 2024-yil 12-dekabrdagi 205-son “Oliy ta’lim muassasalari boshqaruv, texnik, xizmat ko‘rsatuvchi va o‘quv-yordamchi xodimlarining namunaviy shtatlariga o‘zgartirish va qo‘shimchalar kiritish haqida”gi qarori qabul qilinganligi, ushbu qaror ijrosini ta’minlash bo‘yicha O‘zbekiston Respublikasi Oliy ta’lim, fan va innovatsiyalar vazirligining 2025-yil 6-yanvardagi 03/20–54-q/q–son xati amaliyotda qo‘llash uchun kelib tushganligini bildirdi. Ushbu masala universitet kuzatuv kengashining 2025-yil 8-yanvardagi 1-son yig‘ilishida ham muhokama qilingan.

     Registrator ofis uchun ajratilgan shtat birliklarini nizom talablari asosida malakali xodimlar bilan to’ldirish maqsadida Urganch davlat universiteti rektorining 2025-yil 6-martdagi 45-I§2 sonli buyrug’i bilan xodimlarning  mehnat shartnomasiga o’zgartirish kiritilgan.

     “Registrator ofis” tomonidan “Ta’lim sohasidagi loyihalar markazi” loyiha ofisi va Oliy ta’lim, fan va innovatsiyalar vazirligining 2024-yil 9-iyuldagi “Oliy ta’lim tashkilotlarida “Registrator ofisi” ni tashkil etish to’g’risida”gi 24-q/q/, 2-q/q/-sonli qo’shma qarorda ko’rsatilgan 63 ta funksional vazifalarining barchasi ko’rsatilib kelinmoqda.

     Urganch davlat universiteti Smart binosi 109-xonasini Registrator ofisi sifatida ajratilgan. Ushbu xona Registrator ofisi sifatida foydalanish uchun yetarli maydonga ega. Ofis mebellaridan har bir xodim uchun ergonomik stollar va qulay stullar bilan ta'minlangan. Hujjatlar  va boshqa ofis materiallarini saqlash uchun shkaflar va javonlar o'rnatilgan. 14 ta zamonaviy kompyuter o’rnatilib, zаruriу dasturlar bilan ta'minlangan. 2 ta 3/1 printerlari, 1ta skaner bilan jixozlangan. Registrator ofisi uchun ajratilgan xona kameralar, elektron navbat, interfaol monitor va mijozlar bilan aloqa о‘rnatish uchun telefon tarmog'i bilan jixozlangan shu bilan birga Registrator ofisida xizmat ko’rsatish uchun sanitariya hamda xizmat ko’rsatishning me’yoriy talablari ishlab chiqilgan va tasdiqlangan. 

 

REGISTRATOR OFISI TOMONIDAN TALABALARGA KO‘RSATILADIGAN XIZMATLAR

Xizmat ko‘rsatish (front office) bo‘limi menejerlarining vazifalari:

I. Talabalarga xizmat ko‘rsatish sektori bo‘yicha:

1. Dars jadvallari haqida ma’lumot taqdim etish;

2. Qayta o‘qish uchun fan guruhlariga ariza yuborishga yordam berish;

3. Joriy, oraliq va yakuniy nazoratlar to‘g‘risida talabalarga ma’lumot taqdim etish;

4. Sirtqi va masofaviy ta’lim shaklida o‘qiyotgan talabalar uchun chaqiruv qog‘ozini shakllantirish;

5. Akademik ma’lumotnoma va transkript berish;

6. Imtihonlar ro‘yxatini taqdim etish;

7. O‘qishni ko‘chirish va qayta tiklash uchun ariza yuborishga yordam berish;

8. Oliy ta’lim tashkilotlariga ikkinchi ta’limga kirish uchun onlayn ariza topshirishga yordam berish;

9. Oliy ta’lim tashkilotlarining magistratura bosqichiga kirish uchun onlayn ariza topshirishga yordam berish;

10. Talaba guvohnomasi hamda turar joyi guvohnomasini yaratish va taqdim etish;

11. Talabaga o‘zining GPA ko‘rsatkichi haqida ma’lumotnoma taqdim etish;

12. Talabalarning “HEMIS” axborot tizimidagi parolini tiklash;

13. Talabalarga tibbiy sug‘urta olish uchun yordam berish;

14. O‘qishga qabul va o‘qishni ko‘chirish yuzasidan konsultatsiya berish;

15. Oliy ta’lim tashkilotida mavjud turli xizmatlar va resurslar haqida ma’lumot berish;

16. Talabalar turar joyiga ko‘chib o‘tganlarni vaqtinchalik ro‘yxatga qo‘yish uchun hujjatlarni tayyorlash.

 

II. Ilmiy va innovatsion faoliyat bo‘yicha xizmat ko‘rsatish sektori bo‘yicha:

1. Grantlar va tanlovlar haqida ma’lumot berish;

2. Ilmiy konferensiyalar haqida ma’lumot berish;

3. Innovatsion g‘oya va startaplarni ro‘yxatdan o‘tkazishga yordam berish;

4. Talabalarga nomdor stipendiyalar haqida ma’lumot berish hamda ariza berishda ko‘maklashish;

5. Ilmiy loyihalar to‘g‘risida konsultatsiya berish;

6. “Ustoz-shogird maktabi”ga a’zo bo‘lishga yordam berish;

7. Oliy ta’lim tashkiloti tomonidan tashkil etilayotgan ilmiy konferensiya, seminar va boshqa ilmiy-innovatsion tadbirlarni talabalar orasida ommalashtirish;

8. Talabalarga ilmiy to‘garaklar haqida ma’lumot berish hamda amaliy yordam ko‘rsatish.

 

III. Xalqaro aloqalar va akademik mobillik bo‘yicha xizmat ko‘rsatish sektori bo‘yicha:

1. Turli xalqaro grantlar va akademik mobillik dasturlari (mahalliy va xorijiy oliy ta’lim muassasalar bilan) bo‘yicha ma’lumotlarni taqdim etish;

2. O‘qishga qabul qilingan xorijlik talabalarni elektron tizimda ro‘yxatga olish va fanlarga biriktirish;

3. Xorijiy oliygohlarda tahsil olishda konsultatsiya berish;

4. Xorijlik talabalar uchun viza xizmatlarini amalga oshirish;

5. Xorijlik talabalarga to‘lov-shartnomalarini taqdim etish;

6. Xorijlik talabalarni O‘zbekiston Respublikasida vaqtinchalik ro‘yxatga qo‘yish xizmatlarini amalga oshirish;

7. Xorijlik talabalarni o‘qishga qabul qilish bo‘yicha konsultatsiya berish, ariza va talab etiladigan hujjatlarni ko‘rib chiqish uchun qabul qilish;

8. Xorijlik talabalarga oliy ta’lim tashkilotidagi o‘quv jarayonlari haqida ma’lumot berish;

9. Qo‘shma ta’lim dasturlari haqida ma’lumot berish va talabalar orasida targ‘ibot qilish;

10. Xorijda o‘qish uchun “El-yurt umidi” jamg‘armasi stipendiya tanlovi va xorijiy e’lonlar haqida ma’lumot berish;

11. Xalqaro reytinglar (QS, THE, Green Metric)da o‘rin egallagan oliy ta’lim muassasalari to‘g‘risida talabalarga ma’lumot berish;

12. Xalqaro forumlarda imzolangan bitimlar va bayonlar haqida talabalarga ma’lumot berish;

13. Xorijiy tillarni o‘rganish kurslari haqida ma’lumot berish.

 

IV. Buxgalteriya va marketing bo‘yicha xizmat ko‘rsatish sektori bo‘yicha:

1. Ishga joylashgan bitirnvchilar haqida ma’lumotlarni olish va kiritish;

2. To‘lov-shartnoma summasini aniqlash, hisoblash va taqdim etish, shuningdek, to‘lov-shartnomasi olish uchun ariza berishga ko‘maklashish;

3. Talabalar o‘zlashtirish ko‘rsatkichlari va boshqa hollar uchun stipendiya tayinlash bo‘yicha (dekanat yoki o‘quv uslubiy boshqarma tomonidan taqdim etilgan) bildirgi asosida hemis platformasidagi natijalarga ko‘ra stipendiya buyrug‘ini tayyorlash;

4. Akademik qarzdor talabalar uchun qayta o‘zlashtirish bo‘yicha to‘lov miqdorlarini aniqlash va tasdiqlash, qayta o‘qishga shartnoma olish uchun ariza berishga ko‘maklashish;

5. Ijara subsidiyasi uchun ariza yozishga ko‘maklashish;

6. Talabalarning yotoqxonalarga joylashishi uchun ariza berishga ko‘maklashish;

7. Talabalarga ishga joylashish borasida tavsiyalar berish;

8. Potensial ish beruvchilar ro‘yxatini shakllantirish va talabalarga yetkazish. Bitiruvchilarni ishga taqsimlash va joylashishiga oid barcha zaruriy hujjatlar (ishga yuborilganlik to‘g‘risida yo‘llanma, taqsimot komissiyasi qarori, shaxsiy taqsimot qaydnomasi) tayyorlash, rasmiylashtirish va bitiruvchilarga yetkazish.   

 

Ma’lumotlar bazasi (back office) bo‘limi menejerlarining vazifalari:

I. Statistik ma’lumotlarni yuritish sektori bo‘ycha:

1. Talabalar, resurslar, shartnomalar, mashg‘ulotlar va talabalarning o‘zlashtirishi haqidagi turli xil statistik ma’lumotlarni umumlashtirish va tahlil qilish;

2. Talabalarning kursdan kursga qolishi, talabalar safidan chetlashtirilishi va akademik ta’tilga chiqishi bo‘yicha statistik ma’lumotlarni umumlashtirish va tahlil qilish;

3. O‘qishni ko‘chirish va tiklashga tavsiya etilgan talabalarga oid statistik ma’lumotlarni umumlashtirish va tahlil qilish;

4. Ttopshiriq va murojaatlarga asosan oliy ta’lim tashkiloti faoliyatiga doir statistik ma’lumotlarni taqdim etishga tayyorlash;

5. Universitet tomonidan Statistika agentligiga taqdim etiladigan hisobot shakllarini yuritish;

6. Bitiruvchilar to‘g‘risida umumiy ma’lumotlar bankini shakllantirish; bitiruvchilar bandligini ta’minlash hamda ishga joylashganligi bo‘yicha olib borilgan monitoring yuzasidan ma’lumotlarni olish, umumlashtirish va tahlil qilish;

7. “HEMIS” axborot tizimiga kiritilayotgan statistik ma’lumotlarning to‘g‘riligini tahlil qilib borish.

 

II. O‘quv jarayonini muvofiqlashtirish sektori bo‘yicha:

1. Akademik guruhlarni shakllantirish;

2. Talabalarga qayta o‘qishni tashkil qilish (fan guruhlari, dars jadvali va nazorat jadvallarini yaratish, arizalarni ko‘rib chiqish);

3. Talabalarni tegishli fanlarga biriktirish; talabalarni tizimga kiritish va tegishli guruhlarga biriktirish; tyutorga tegishli guruhlarni biriktirish; o‘quv rejada mavjud fanlarni semestrlarga biriktirish; qabul qilingan talabalarni elektron tizimda ro‘yxatga olish va fanlarga biriktirish;

4. Talabalar harakati (talabalar safidan chetlashtirish, kursda qoldirish, o‘qishini ko‘chirish, akademik ta’tilga chiqarish va qaytarish, o‘qishini tiklash)ni muvofiqlashtirish va rasmiylashtirish;

5. Talabalarni kursdan kursga o‘tkazish;

6. Ttalabalarning o‘zlashtirish ko‘rsatkichini umumlashtirish va tahlil qilish;

7. Talabalarning ma’lumot bazalarini shakllantirish va yangilab borish;

8. O‘qishni bitirgan talabalarni tegishli tartibda rasmiylashtirish;

9. “HEMIS” tizimi orqali talabalar davomatini nazorat qilish, kunlik davomat hisobotini olish va fanlar bo‘yicha davomatni monitoring qilish;

10. Dars jadvallarini hamda joriy, oraliq va yakuniy nazorat grafiklarini “HEMIS” axborot tizimida shakllantirish.

 

III. Talabalar hujjatlarini yuritish va saqlash sektori bo‘yicha:

1. Universitetni tugatgan talabalar hujjatlarini to‘plab yig‘ma jildga tikish, ro‘yxatga olish va arxivga qadar saqlash;

2. Familiyasi o‘zgargan, akademik ta’tilga chiqqan, yo‘nalishni va fakultetni o‘zgartirgan, kursda qoldirilgan, talabalar safidan chiqarilgan talabalarning buyruqlaridan ko‘chirmalarni talabalar bazasiga joylashtirish;

3. O‘qishni boshqa oliy ta’lim tashkilotiga ko‘chirish munosabati bilan talabalar safidan chetlatilgan talabalarni hamma kerakli hujjatlarini talabaga yetkazish;

4. Qat’iy hisobdagi hujjatlar shakllarini (diplom, diplomga ilova, akademik sertifikatlar va boshqalar) taqdim etish;

5. Qat’iy hisobdagi blankalarini (diplom blankalari, akademik guvohnomalar, diplom ilovasi va boshqalar) qabul qilish, saqlash va berishni tashkil etish;

6. Akademik qarzdor talabalarni aniqlash;

7. Bitiruvchilarga berilgan diplomlarning haqiqiyligini tasdiqlash maqsadida doimiy ravishda https://OTT.mehnat.uz va http://d-arxiv.edu.uz platformalari orqali tashkilot va muassasalar bilan yozishmalarni amalga oshirish, yo‘qotilgan diplom va ilovalar o‘rniga dublikat berish to‘g‘risidagi murojaatlarga javob qaytarish.

 

Murojaat uchun: +998-62-224-66-13