Bugun Sanʼatshunoslik fakulteti haftaligi doirasida universitet talaba-yoshlariga bahoriy kayfiyat ulashish hamda fakultet iqtidorli talabalarining qoʻli ishi namunalari bilan tanishtirish maqsadida universitet bosh binosining oldi qismida koʻrgazma tashkil etildi.
Unda Sanʼatshunoslik fakultetining “Tasviriy sanʼat”, “Amaliy sanʼat”, “Dastgohli rang tasvir” hamda “Texnologik taʼlim” yoʻnalishlari talabalari tomonidan tayyorlangan qoʻl ishi namunalari namoyish etilmoqda.
Shuningdek, talabalar shu yerning oʻzida ham barcha qiziquvchilar uchun rasm chizish bilan band. Bu esa koʻrgazma ishiga oʻzgacha kayfiyat bermoqda.
