Bugun, 19-may kuni Oʻzbekiston Respublikasi Ichki ishlar vazirligi Malaka oshirish instituti va Urganch davlat universiteti oʻrtasida hamkor oʻrnatish yuzasidan rasmiy uchrashuv boʻlib oʻtdi.
Unda Oʻzbekiston Respublikasi Ichki ishlar vazirligi Malaka oshirish instituti “Maxsus-kasbiy fanlar” kafedrasi boshligʻi, podpolkovnik, siyosiy fanlari doktori, dots. Farxod Xatamov, O'zbekiston Respublikasi Ichki ishlar vazirligi malaka oshirish instituti boshlig'i, polkovnik, t.f.n., dots. Olimjon Axmedov hamda UrDU rektori Baxrom Abdullayev boshchiligida universitet rahbariyati aʼzolari ishtirok etdi.
Uchrashuvda Ichki ishlar vazirligi Malaka oshirish instituti va Urganch davlat universiteti o‘rtasida ilmiy-tadqiqot faoliyati, oʻqituvchilar almashinuvi, birgalikda konferensiyalar va kurslar tashkil qilish, kadrlar tayyorlash sohalarida hamkorlikni yo‘lga qo‘yishga oid masalalar muhokama qilinib, aniq amaliy vazifalar va chora-tadbirlar belgilab olindi.
