2021-yilning 1-dekabr sanasida Oliy va o‘rta maxsus ta’lim vazirining fan va innovatsiyalar boʻyicha oʻrinbosari Hakimov Raximjon Rasuljonovich Urganch davlat universiteti talabalar turar joylarining sharoitlarini oʻrgandi.
✔️Vazir oʻrinbosari Raximjon Hakimovga talaba-yoshlar uchun TTJda yaratilgan shart-sharoitlar bilan UrDU rektori Baxrom Abdullayev va Yoshlar masalalari va maʼnaviy-maʼrifiy ishlar boʻyicha prorektor Sanjar Davletovlar yaqindan tanishtirdi.
✔️ 5-son TTJning yertoʻla qismida talaba-yoshlarni boʻsh vaqtlarini mazmunli oʻtkazishlari uchun tashkil qilingan kovorking markaz, IT xonalari, zakovat xonasi, loyihalar fabrikasi, arxitektura va dizayn, rassomchilik xonalari hamda qizlar uchun tikuvchilik xonalarini koʻzdan kechirib, toʻgarak jarayonlarining guvohi boʻldi.
✔️Oʻrganish davomida talabalarga yaratilgan toʻgaraklar bilan qiziqdi, talabalarning yashash sharoiti, dam olish vaqtlarini mazmunli tashkil etish boʻyicha yoshlarning oʻzlari bilan suhbatda bo'ldi.
✔️Shuningdek, TTJlarda mavjud muammolarni hal qilish boʻyicha ko'rsatmalar berildi.
