Urganch davlat universiteti rektori Baxrom Abdullayev joriy yilning 27-30-noyabr kunlari Fransiyaning Parij shahrida o‘tkaziladigan navbatdagi Ikkinchi O‘zbekiston-Fransiya ta’lim forumida ishtirok etish uchun jo‘nab ketdi.
Forum doirasida O‘zbekiston va Fransiya oliy ta’lim muassasalari o‘rtasida hamkorlik shartnomalari imzolanishi rejalashtirilmoqda.
Ma’lumot uchun: Birinchi O‘zbekiston-Fransiya ta’lim forumi 2021-yil 7-9 oktabr kunlari Toshkent va Samarqand shaharlarida o‘tkazilgan bo‘lib, unda Fransiya tomonidan 11 ta universitet hamda “Campus France”agentligi vakillari bilan birga jami 23 kishi ishtirok etgan edi.