Bugun Urganch davlat universitetining magistratura mutaxassisliklariga 2022/2023 o‘quv yili yanvar oyi qabuli bo‘yicha tanlovdan oʻtgan magistrantlar bilan UrDU Magistratura boʻlimi boshligʻi Y.Taxirov uchrashuv oʻtkazdi.
Uchrashuvda oʻquv jarayonlarining tashkil etilishi, taʼlim Kredit-modul tizimi asosida olib borilishi, darslar 20-fevraldan boshlanishi va universitetda magistrlar uchun yaratilgan sharoitlar haqida maʼlumotlar berildi.
Shuningdek, 2 yil oʻqish mobaynida magistrdan talab qilinadigan xorijiy tilni bilish darajasini baholovchi milliy yoki xalqaro tan olingan B2 (C1) darajadagi sertifikatni 2024-yil oxiriga qadar taqdim qilish lozimligi haqida tushuntirish berildi.
