Prezident ta'lim muassasalari agentligi tizimidagi Ogahiy ijod maktabi va Urganch davlat universiteti bilan hamkorligi doirasida mazkur maktabda Filologiya fakulteti professor-o'qituvchilari tomonidan muntazam ravishda mahorat darslari olib borilmoqda.
Xususan, 17-fevral kuni Filologiya fakulteti “O'zbek tili va adabiyoti” kafedrasi dotsenti I.Ismoilov "Ogahiy ijodining Xorazm adabiy muhitida tutgan oʻrni" mavzusida mahorat darsi tashkil qildi.
Darsda Ogahiy fasohatli shoir, mohir tarjimon, davlat arbobi va zukko tarixchi olim ekanligi hamda shoir ijodida aruz vaznining mohirona qoʻllanilishi haqidagi ma'lumotlarga alohida to'xtalib o'tildi. Mahorat darsi noan'anaviy tarzda yangi pedagogik texnologiyalar asosida olib borildi.
