2021-yil 18-may kuni Oʻzbek tilshunosligi kafedrasining navbatdagi ilmiy-nazariy seminari yigʻilishi bo’lib o’tdi. Unda f.f.n., dotsent Primov Azamat Iskandarovichning 10.00.01 – Oʻzbek tili ixtisosligi boʻyicha filologiya fanlari doktori (DSc) ilmiy darajasini olish uchun taqdim qilgan “Sharafuddin Ali Yazdiyning “Zafarnoma” asari leksikasi” mavzusidagi dissertatsiyasining dastlabki ekspertizasi oʻtkazildi.
Ushbu ilmiy-nazariy seminarda fakultetning professor-oʻqituvchi, doktorant, mustaqil izlanuvchi, magistrant va talabalari, shuningdek, universitetning boshqa fakultetlaridan ham tadqiqotchilar ishtirok qilishdi. Mazkur muhokama jarayoni qizg’in bahs-munozara va savol-javoblarga boy tarzda bo’lib o’tdi.
Muhokama yakunida yig’ilish ishtrirokchilari 10.00.01 – Oʻzbek tili ixtisosligi boʻyicha filologiya fanlari doktori (DSc) ilmiy darajasini olish uchun tayyorlangan “Sharafuddin Ali Yazdiyning “Zafarnoma” asari leksikasi” mavzusidagi tadqiqot ishini keyingi bosqich muhokama jarayonlariga tavsiya qilishdi.
