Avval xabar berganimizdek, 2021-yil 25-oktabrdan Urganch davlat universitetida Xalqaro nazariy va amaliy matematika markazi (CIMPA - Centre International de Mathématiques Pures et Appliquées) va Xalqaro matematiklar uyushmasi (CDC- Commission for Developing Countries, IMU-International Mathematical Union), Xorazm Ma’mun Akademiyasi, O’zbekiston Milliy universiteti bilan hamkorlikda “Kompleks analiz, geometriya va dinamika” mavzusidagi xalqaro maktab (CIMPA school) aralash shaklda (online hamda oflayn) o’z ish faoliyatini boshladi.
Bugun, 27-oktabr kuni akademik A. Sa’dullayevning ma’ruzalari eshitildi. Ushbu maktab ma’ruzalarida respublikamizdagi Kompleks analiz, geometriya va differensial tenglamalar sohasining yetuk mutaxassislari, respublika hamda xorijiy universitetlarning 70 nafardan ortiq iqtidorli talaba, magistrant, doktorantlari ishtirok etishmoqda.
Eslatib o’tamiz, ushbu maktab 2021-yilning 6-noyabriga qadar davom qiladi.
