Oʻzbekiston Respublikasi Oliy Majlisi senatining Fan, taʼlim va sogʻliqni saqlash masalalari qoʻmitasi raisi Odiljon Iminov Xorazm viloyatiga tashrifi doirasida bugun, 12-oktabr sanasida nogironligi boʻlgan shaxslarning taʼlim olishlari uchun yaratilgan sharoitlarni oʻrganish maqsadida Urganch davlat universitetiga tashrif buyurdi.
Tashrif doirasida UrDU rektori B.Abdullayev va Birinchi prorektor S.Davletovlar hamrohligida oʻquv binolari, Axborot-resurs markazi hamda Talabalar turar joylarini borib koʻrdi. Sharoitlarni oʻrganar ekan, talabalar va xodimlar bilan suhbat boʻldi. Kutubxonadagi koʻzi ojizlar uchun mavjud adabiyotlar, ARM xodimlarining xizmat koʻrsatish sifatiga qiziqdi. Yotoqxonadagi qulayliklar va maxsus imkoniyatlarga eʼtibor qaratdi.
Shuningdek, xorijlik professor-oʼqituvchilar bilan suhbatda boʼldi.
