2022-yilning 23-aprel kuni Prezident maslahatchisi Abdujabbor Abduvohidov Xorazm viloyatiga tashrifi doirasida viloyatdagi taʼlim muassasalarining masʼullari bilan uchrashuv oʻtkazdi.
Ushbu uchrashuv Urganch davlat universiteti madaniyat saroyida boʻlib oʻtdi. Unda Xorazm viloyat hokimligi vakillari, viloyatdagi oliy taʼlim muassasalari rahbarlari va Kengash aʼzolari, Xalq taʼlimi vakillari, tuman hokimliklari oʻrinbosarlari ishtirok etdilar.
Uchrashuvda oliy taʼlim va maktab hamkorligi masalalari atroflicha muhokama qilindi. Xususan, qilinishi lozim boʻlgan ustuvor vazifalar, mavjud kamchilik va muammolar oʻrtaga tashlanib, tizim mutasaddilarining fikrlari tinglandi.
