Bugun, 24-may sanasida Urganch davlat universitetida Xorazm viloyatida oʻtkazilayotgan “Innowomenweek” xotin-qizlar innovatsion haftaligi doirasida “Ilm-fan va innovatsiyalarni rivojlantirishda xotin-qizlarning oʻrni” mavzusida ilmiy-amaliy seminar oʻtkazildi.
Unda Xorazm viloyati hokimligi vakillari, Urganch davlat universiteti rahbariyati, Xotin-qizlar maslahat kengashi aʼzolari, professor-oʻqituvchilar, yosh olima ayollar hamda talaba-yoshlar ishtirok etdilar.
Ilmiy-amaliy seminar UrDU rektori Baxrom Abdullayev hamda Xorazm viloyat hokimi o‘rinbosari, Oila va xotin-qizlar boshqarmasi boshlig‘i G.Kurbanbayevalarning kirish soʻzlari bilan boshlandi.
Seminarning ilk maʼruzasi “Innovatsion taraqqiyotda xotin-qizlar faolligini oshirish” haqida boʻlib, mavzu asnosida UrDU Ilmiy ishlar va innovatsiyalar bo‘yicha prorektori Z.Ibragimovning maʼruzasi tinglandi.
Seminar davomida soʻz olganlar mamlakatimiz xotin-qizlarining innovatsion g‘oyalari, loyiha va ishlanmalarini joriy etishda har tomonlama qo‘llab-quvvatlash, tadbirkorlik va ixtirochilik faoliyatiga keng jalb qilish, intellektual mulk obyektlarini huquqiy muhofaza qilishlariga ko‘maklashish, iqtisodiyotning turli tarmoqlarida mehnat qilayotgan xotin-qizlarning faoliyatlariga innovatsion yondashuvni joriy qilish masalalari yuzasidan maʼruza qildilar.
.jpg)