Bugun Toshkent tibbiyot akademiyasi Urganch filialida “Ma’rifat maydoni” respublika ko'rik-tanlovining 3-mintaqaviy bosqichi bo'lib o'tdi.
Tanlovda Qoraqalpoq davlat universiteti, Urganch davlat universiteti, Navoiy davlat konchilik va texnologiyalar universiteti hamda Buxoro davlat universitetining jamoalari ishtirok etdilar.
Jamoalar o‘zaro adib hayoti, tezkor savol-javob hamda adiblar hayoti va ijodidan teatrlashtirilgan kompozitsiya shartlari asosida bellashdilar.
Oʻzaro qizgʻin kechgan bahslarda universitetimizning “Xorazmiylar” jamoasi faxrli 3-oʻrinni egallab, Diplom va esdalik sovgʻalari bilan taqdirlandi.
Shu fursatdan foydalanib, ushbu tanlovda sidqidildan, faol ishtirok etgan Filologiya fakultetining iqtidorli, isteʼdodli talaba-yoshlariga chuqur minnatdorchilik bildiramiz.
