Bugun, 4-aprel kuni Urganch davlat universiteti Iqtisodiyot fakulteti professor-o‘qituvchilari, tyutorlari va talaba-yoshlari ishtirokidagi ushbu targ‘ibot tadbiri "Men befarq emasman" shiori ostida o‘tkazildi.
UrDU Birinchi prorektori S.Davletov kirish soʻzi bilan ochib bergan ushbu tadbirda yuridik fanlari doktori, professor N.Rajabov hamda Toshkent davlat yuridik universiteti talabalaridan iborat "Targ‘ibot poyezdi" aʼzolari, Xorazm viloyati yuridik texnikumi direktori T.Eshmetov, Korrupsiyaga qarshi kurash hududiy kengashi masʻul xodimi P.Roʻziboyevlar Konstitutsiyaviy islohotlar mazmun-mohiyati, Yangi tahrirdagi Konstitutsiyada taʼlim va ilm-fan sohasidagi o‘zgarishlar, yoshlarni qo‘llab-quvvatlash bo‘yicha kiritilayotgan yangiliklar haqida fikr bildirishdi.
Targ‘ibotchi talabalar tomonidan esa interaktiv usulda mashg‘ulotlar olib borildi.
