Bugun, 29-avgust kunidan Urganch davlat universitetiga ikkinchi va undan keyingi ta’limning bakalavriat ta’lim yo‘nalishlariga hujjat topshirgan abituriyentlar bilan suhbat o‘tkazish jarayonlari boshlandi.
Ikkinchi va undan keyingi oliy ta'lim olish uchun hujjat topshirgan abituriyentlarni suhbat asosida talabalikka qabul qilish ta’lim yo‘nalishlari suhbat komissiyalari a’zolari ishtirokida amalga oshirilmoqda. Xususan, bugun Qabul komissiyasi masʼul kotibi J.Ruzimov Filologiya va tillarni oʻqitish: Oʻzbek tili (sirtqi) hamda Matematika (sirtqi) yo‘nalishlariga hujjat topshirgan talabgorlar bilan suhbat olib bordi.
Suhbat jarayonlarni belgilangan talablarga mos o‘tkazilishi hamda shaffoflikni ta’minlash maqsadida barcha tashkiliy choralar ko‘rilgan.
