Yangi o‘quv yilining ilk mashg‘uloti Urganch davlat universitetida ham "Mustaqillik darsi" bilan boshlandi. Unda viloyat hokimi J.Rahimov ishtirok etib, talabalarga Mustaqillikga erishish hamda uni mustahkamlash yo‘lidagi mashaqqatlar, mamlakatimizning taraqqiyot yo‘li, xalqaro hamjamiyatdagi obro‘- e’tibori haqida so‘zlab berdi. Shuningdek, yoshlar uchun yaratilayotgan imkoniyatlar, oliy ta’lim tizimidagi islohotlar xususida to‘xtaldi.
