Xabar berganimizdek, 4-5 sentabr kunlari Urganch davlat universitetida “Akademiya kunlari” deya eʼlon qilindi. Shu munosabat bilan ayni damda universitetimizda respublikamizning 6 nafar taniqli akademiklari maʼruza darslari olib borishmoqda.
Jumladan, bugun kunning ikkinchi yarmida Oʻzbekiston Respublikasi Fanlar akademiyasi akademigi, biolog olim Baxriddin Zaribov Tabiiy va qishloq xoʻjaligi fanlari fakulteti professor-oʻqituvchilariga mahorat darsi oʻtdi.
Uchrashuvda talabalarga dars oʻtishning yangicha metodlari, biologiya yoʻnalishidagi soʻnggi yangiliklar, oʻsimliklar fiziologiyasi borasida olib borilayotgan ilmiy-tadqiqot ishlari, fan sohalarida ilmiy izlanish olib borish va kadrlar tayyorlash boʻyicha qilinayotgan ishlar haqida soʻz bordi.
