Matematika hamisha fanlarning otasi, fanlarning podshosi kabi taʼriflar bilan ulugʻlanib kelingan. Aslida ham mazkur fansiz hech bir sohani mukammal egallab boʻlmaydi.
Bugun Oʻzbekiston Respublikasi Fanlar akademiyasi V.I.Romanovskiy nomidagi Matematika instituti direktori, matematik olim, akademik Sh.Ayupov hamda Fanlar akademiyasi akademigi, atoqli matematik olim A.Saʼdullayevlar fakultet professor-oʻqituvchilari bilan uchrashib, matematikaning eng soʻnggi yutuqlari, fandagi oʻzgarishlar hamda sohada yechimini kutayotgan masalalar yuzasidan suhbat olib bordilar. Uchrashuvda UrDU rektori B.Abdullayev ham ishtirok etib, universitetda sohani yanada rivojlantirish borasida olimlar bilan fikr almashdi.
Zotan, biz buyuk allomalarning avlodlarimiz. Ularga munosib izdoshlar, zamonaviy olimlarni yaratish esa ham farz, ham qarzdir.
