Bugun Urganch davlat universitetida mehmon bo′lgan Qoraqalpoq davlat universiteti rektori A.Reyimov universitetning yangi barpo etilgan 7 qavatli smart o′quv binosi, mazkur binoda joylashgan V.I.Romanovskiy nomidagi Matematika instituti Xorazm bo‘limi uchun yaratilgan sharoitlar bilan tanishdi.
QDU rektori A.Reyimovga Urganch davlat universiteti rektori B.Abdullayev hamrohlik qilib, talaba-yoshlarni zamonaviy shart-sharoitlar asosida sifatli ta′lim olishlari uchun yangi binoda yaratilgan imkoniyatlar hamda binoning jihozlanishi bilan yaqindan tanishtirdi.
Shuningdek, rektorlar dars jarayonlarida bo′lib, talabalar bilan muloqot qilishdi.
