Joriy yil 4-noyabr kuni Urganch davlat universitetida “Tarkibida giyohvandlik, psixotrop va kuchli ta’sir qiluvchi moddalar bo‘lgan dori preparatlarining noqonuniy aylanishiga qarshi kurashish” tezkor-profilaktik oyligi munosabat bilan viloyat Ichki ishlar boshqarmasi hamkorligida "Psixotrop moddalarning noqonuniy muomalasiga qarshi birgalikda kurashamiz!" mavzusida amaliy profilaktik tadbir oʻtkazildi.
Tadbirda Urganch davlat universiteti rektori B.Abdullayev, O'zbekiston Respublikasi IIV tezkor qidiruv deportamenti Jinoyat qidiruv xizmati boshqarma boshlig'i o'rinbosari A.Matlyubov, O'zbekiston Respublikasi IIV tezkor qidiruv departomenti jinoyat qidiruv xizmati boshqarma xodimi F.Azgarov, O'zbekiston Respublikasi IIV tezkor qidiruv departomenti jinoyat qidiruv xizmati boshqarma xodimi A.Ajanov, Xorazm viloyati IIB Jinoyat qidiruv giyohvandlik va psixator moddalarning noqonuniy muomalasiga qarshi kurash bo'limi katta tezkor vakili J.Zaripov, UrDU Yoshlar masalalari va maʼnaviy-maʼrifiy ishlar boʻyicha prorektori D.Ibadullayev, rektor maslahatchisi R.Sharipov, universitet professor-o'qituvchilari, tyutorlar, yetakchilar va barcha fakultetlardan talaba-yoshlar ishtirok etdi.
Tadbirda Ichki ishlar boshqarmasi xodimlari tomonidan giyohvand vositalarning turlari haqida taqdimot qilinib, amaliy koʼrsatib berildi. Mamlakatimizda giyohvand va psixotrop moddalarning noqonuniy aylanishiga qarshi kurashish borasida olib borilayotgan ishlar haqida maʼruzalar qilindi.
