Yangi yil – eng orziqib kutilgan, ayniqsa, yoshlar uchun unutilmas kun, ajoyib shodiyona hisoblanadi. Bugun, 20-dekabr kuni Urganch davlat universitetining barcha fakultetlari kabi Ijtimoiy-iqtisodiy fanlar fakultetida ham kirib kelayotgan yangi yil munosabati bilan “Yangi yil kechasi” tashkil etildi.
Bayram tadbirida fakultet dekani I.Abdullayev tadbir ishtirokchilarini yaqinlashib kelayotgan bayram bilan qizgʼin qutladi.
Ushbu bayram kechasida kuy-qo‘shiqlar, qiziqarli o‘yinlar, sahnalashtirilgan chiqishlar – talabalar ishtirokidagi konsert dasturi namoyish etildi. Ko’tarinki ruhda o’tgan bayram kechasi barchaga xush kayfiyat ulashdi.
