Abu Rayhon Beruniy nomidagi Urganch davlat universitetining Filologiya va san’at fakulteti tomonidan “8-mart – Xalqaro xotin-qizlar kuni” munosabati bilan bayram tadbiri tashkil etildi.
Tadbirda ayollarni tabriklash va ularga hurmat-ehtirom bildirish maqsadida konsert dasturi namoyish etildi. Tadbirni universitet birinchi prorektori D.Ibadullayev ochib berdi va barcha ayollarni bu ulug‘ kunga bag‘ishlangan tabriklari bilan qizg‘in kutib oldi.
Konsert dasturida Respublika va xalqaro ko‘rik-tanlovlar g‘olibi, dirijor Inoyat Karimov boshchiligidagi "Jayxun" orkestr jamoasining badiiy chiqishlari tomoshabinlarga taqdim etildi. Orkestrning professional ijrosi, nafaqat musiqa asarlarini, balki yuqori madaniyatni ham namoyish etdi.
Tadbir davomida San’at yo‘nalishi talabalarining jonli ijrodagi kuy-qo‘shiqlari, shuningdek, xalq musiqasi va zamonaviy kompozitsiyalar tomoshabinga taqdim etildi. Talabalar o‘zining san’ati orqali ayollarga bo‘lgan hurmatini va ularga bo‘lgan chuqur ehtiromini ifodalashdi.
.jpg)
.jpg)