Bugun, 5-may kuni Urganch davlat universitetida viloyatdagi barcha umumta’lim maktablari o‘quvchilari oʻrtasida matematik olim, fizika-matematika fanlari nomzodi, dotsent Ismoil Abdullayev xotirasiga bag‘ishlab, Matematika fani bo‘yicha xotira turniri boʻlib oʻtdi. Oʻquvchilar kunning birinchi yarmida bor bilim va imkoniyatlarini ishga solib, olimpiada misol-masalalarini yechdilar.
Shundan soʻng, xotira turniri doirasida olimpiada ishtirokchilariga hamda universitet faxriy professor-oʻqituvchilariga universitet oshxonasida toʻkin dasturxon yoyilib, osh tarqatildi, marhum ustozimiz Ismoil Abdullayev xotirasiga duo oʻqilib, Qurʼon tilovat qilindi.
.jpg)
